Seguindo cos vectores

Infantil digital

Retomando as técnicas dixitais e o deseño con vectores. Aquí unha mostra pensada para os máis cativos.

cadernos

Recén saídos do forno! Estes son os cadernos nos que estou a traballar estes días. Tres modelos con ecos de Cadaqués totalmente pintados a man que xa están á venda. No Atelier de Natalia Tomás (Port Doguer, Cadaqués) atoparédelos a eles e tamén a min mesma, cada día de 11 a 14:30 horas.

novedades de outono!

Pois que vos vou contar! Que é chegar o outono e a minha creatividade pasa subitamente de cero a mil! Aquí vos deixo unha mostra de por onde van os tiros...

Primeira expo en Cadaqués!!!

Pois si, chegou o día! Dende esta mahá os orixinais da serie Pícnic poden verse no atelier da escultora Natalia Tomás, en Cadaqués. Serán tres semanas de exposición, así que prometo compartir máis instantáneas!

e chegou leonora

Pois seguindo coa serie de mulleres artistas, no centro podedes ver a Leonora Carrington, pintora, escritora e amante dos gatos. Espero que vos agrade!

artistas en feminino

Ultimamente ando ás voltas con unha serie de retratos de mulleres artistas. Cando comecei con ela pensei que, tal vez, na pintura acontecía coma na música, e que o número de elas sería moito menor que o de eles (xa sabedes, o patriarcado, a relegación das mulleres ás tarefas do fogar e ao coidado da familia e todo iso). Mais, porén o resultado foi ben diferente e, polo mesmo, aterrador. Non se trata de que apenas existan artistas femininas, hainas a moreas en todas as épocas nas que un se queira adentrar! Mais, apesar de estaren aí e de teren deixado un legado máis que completo encanto a calidade e a variedade de estilos, ELAS NON SAEN NOS LIBROS!!! e por iso, e agora máis ca nunca, creo que é de xustiza lembralas. Aquí vos deixo a Maruja Mallo, unha muller vangardista que deixou a súa Galiza natal para estudar en Madrid e adicarse de cheo á pintura e que facía parte dos mesmos círculos que frecuentaron Dalí ou Buñuel. E tamén a Camille Claudel, escultora cunha obra que apenas conseguiu liberarse da sombra de Rodin, e que se viu privada da súa liberdade sen lugar a réplica polo simple feito de tela exercido. E a Tamara de Lempicka, pintora tremendamente carismática cunha obra personalísima e inconfundíbel. Prometo máis!

A familia "Pícnic" segue medrando! E moi, moi pronto lucirá pendurada das paredes do meu novo espazo de traballo!